ذات يوم
وبينما كانت تجلس الأميرة
سابحه فى بحر أحلامها الجميلة
والتى ظلت ترسم أطيافها منذ أن عقل قلبها معانيها
وفى لحظة تأمل
وجدت أن أحلامها كانت يوما ً مثل موج البحر
الذى يتسارع لبلوغ الشط
وما أن ينجح فى بلوغ حافته
حتى يترك القليل
ثم يتداعى بعيدا عائدا من حيث أتى
بعيدا إلى ذلك العمق بين ثنايا البحر وما يحمل فى أحشائه
يتوه ويتوه
ويتخبط أحيانا بين صخوره
ثم يعود من جديد ليبدأ محاولاته الوصول تاره أخرى إلى ذلك الشط
وعندها
أدركت الأميرة أنها لم تعد تلك الأميرة الصغيرة
ذات الأحلام الصغيرة
بل مر بها العمر
كبرت وكبرت أحلامها معها
حتى أصبحت تخشى أحلامها
أو أن يذهب بها عالم أحلامها بما يحمل بعيدا ً عن الواقع
وتظل أسيرة حلم قد لا يتحقق
ورغم محاولاتها الفرار من أحلامها
إلا أنها مازالت تحلم
وترى
.
.
.
.
.
.
.

أنها مازالت تلك الأميرة الصغيرة
.
30 comments:
سهر الليالى ... يا بنت البحر ..يا صوت الريح .. يا طعم الموج .. يا دفء الحنين .. من هناك من مدينتى التى أعشق تكتبين .. ومن الوطن الذى اهوى تأتى كلماتك حاملة معها كل جمال الاحلام .. كما يعانق رمل الشاطئ موج البحر عانقت أحلامك خيالاتنا فسبحنا معها وأخذتنا الى حيث تجلس الاميرة .. لنشاركها الحلم ونزاحمها فى عالمها الوردى الجميل فشكراً لكرم الاميرة و عذراً على تطفلنا
سهر ايتها السكندرية العزيزة .. أنا لا اجيد كلمات المديح فأقبلى منى كلمة بسيطة خبأتها لكِ منذ أعتدت المرور على " سهر الليالى " لأن أرقى الكلمات يستحقها أرقى البشر
سلمت يداكِ ايتها الاميرة
وتقبلى تحياتى و تقديرى على الدوام
اه من الاحلام
جميل جدا جدا ان نحم ونظل نحم مهما عدت السنين ومهما كبرنا
حنفضل نحلم
أحب جدا الأحلام ففيها أستطيع أن أحقق مالم أاستطيع تحقيقه في الحقيقة جميلة كلماتك وانتقائك ليها عالي قوي
هنفضل نحلم
واحلامنا هتكبر معانا
وباذن الله ييجى اليوم وتتحقق
كلامك جمييييييييييل
سهر الليالي
ايه الكلام الجميل ده
والأحلام اللي بتلامس البحر، تصدقي، غن الواحد من غير حلم صعب أوي يعيش الحياة
نعمة ربنا علينا إننا بنعرف نتخيل، ونحلم
ويا بختك ببحرك،
اسيبك مع احلامك
أميرتى الجميلة
أميرة السهر
وأميرةالاحلام الجميلة
عندما تتدافع الموجات الصغيرة الى الشط فى غبطة وفرح.. حاملةً أجمل وأرق احلام لأميرة البحر
فإن نسمات الليل تقبل من كل اتجاه وصوب من اطراف الكون .. حاملة الاف الاحلام لإنسان ..كان أعظم احلامة هو رؤية موكب الأميرة
وها انا قد تحقق حلمى
ورأيت موكب الأميرة
الموكب الكبير
أحلامها
وافكارها
ونبضات قلبها وأشعارها
ورأيت الغلمان
سابحين فرحى خلف الموكب
!موكب الاحلام الصغيرة
التى صارت أحلاما كبيرة
سامحينى أميرتى لتأخرى على موكب احلامك خمس ايام كاملة
سامحينى
أحمد
انا قريت البوست بس هعلقلك هنا
بصراحه كلامك بجد جميل جدا
وانا بصراحه حياتى كلها عباره عن حلم جمييييييييييييييييييل جدا
عارفه
انت الوحيده اللى سالتينى ف بوست العيد بتاعى
لما كنت قولت ان اتحقق اكبر حلم ف حياتى
وبصراحه هقولك بس بينى وبينك
هههههههههههههههههههههههههههه
انا اتحقق اجمل حلم ف حياتى وخطبت البنت اللى حلمت بيها لاكثر اربع سنين
بجد كان حلم بنحلم بيه احنا الاتنين
واتحقق اول يوم العيد
بينى وبينك زى م اتفقنا
هههههههههههههههههههههههه
انا قريت البوست بس هعلقلك هنا
بصراحه كلامك بجد جميل جدا
وانا بصراحه حياتى كلها عباره عن حلم جمييييييييييييييييييل جدا
عارفه
انت الوحيده اللى سالتينى ف بوست العيد بتاعى
لما كنت قولت ان اتحقق اكبر حلم ف حياتى
وبصراحه هقولك بس بينى وبينك
هههههههههههههههههههههههههههه
انا اتحقق اجمل حلم ف حياتى وخطبت البنت اللى حلمت بيها لاكثر اربع سنين
بجد كان حلم بنحلم بيه احنا الاتنين
واتحقق اول يوم العيد
بينى وبينك زى م اتفقنا
هههههههههههههههههههههههه
احلى حاجة الاحلام احلمى براحتك خالص بس حاولى تحققى على قد ماتقدرى
جميعنا
يحمل فى اعماقه تلك الاميره الصغيره
ذات الاحلام النقيه
نكبر وتكبر احلامنا معنا
لكنها لا تزال تحمل عبق الحلم الاولى
لتلك الاميره الصغيره
صديقتى الجميلة الشقية سهر الليالي
رقة كلماتة وشياكة التعبير هذة المرة اكدت انه يوجد تقدم ملحوظ
احلام اميرتك جعلتني اسمع صوت البحر ومداعبة امواجة للشاطئ
احيكي على الفكرة والاسلوب الجميل
تحياتي سيد سعد
اميرتي العزيزة ان الاحلام لا تتغير ابدا ولكن الذي يتغير هو نظرتنا للاحلام فعندما نكون صغارا نري الاحلام بفطرتنا التي لم تتلوث بعد ولكن عندما نكبر***************************************************************************************************************تتغير نظرتنا لكل شئ وليس الاحلام فقط*** انا سعدت جدا بالمدونة الجميلة وفي انتظار مرورك
مدونة رقيقة يا سهر الليالي
تحياتي ليكي واحترامي وتقديري
حازم شلبى
صديقى وابن بلدى
سلمت يداك وكلماتك انت فتعليقك جاء أحلى من البوست نفسه لدرجة انى عجزت عن الرد
فإن لم يكن انت من يجيد كلمات المديح فمن يكون
ارق التحية محملة بماء البحر
صديقتك بنت البحر
صديقى العزيز والدائم
اسكندرانى اوى
نعم مهما كبرنا فلن نكف عن الحلم فالحلم بداية الأمل ولولا الأمل ما كانت الحياه
تحياتى
صديقتى الجميله
true love
فعلا عالم الاحلام هو العالم الذى نستطيع فيه تحقيق كل ما نريد
وربنا يحققلنا احلامنا دايما
ميرسى ليكى يا قمر
منورانى دايما
دكتور عماد
بجد اسعدتنى بزيارتك اوى اوى وبكلامك
ومتخافش سرك فى بيييييييييييييير
;)
ههههههههه
ربنا يسعدك يارب ويحققلك كل أحلامك ويجمع بينكو فى خير قريب اوى بس مش هستغنى عن العزومة او تقدر تقول كدة انا عازمة نفسى مقدما
وعلى فكرة انا كنت حاسة ان اللى حصل فى العيد هو حاجة كدة لان فعلا اكتر حاجة ممكن تحلى حياه الانسان هو الحب وانو ينول ما تمناه فى حبه
ربنا يوفقك ويتمملك على خير
تحياتى على الدوام
والف مبروك
يوميات عيل مصرى
ا/ أحمد والله نورتنى واسعدتنى بكلامك الجميل
فعلا نعمه ربنا علينا الأحلام دى ربنا ما يحرمنا
وعلى فكرة انا كنت كاتبة بوست قبل كدة عن الاحلام وقلت فعلا كدة
تحياتى ليك محملة بنسيم البحر
خالووووووو أحمد
والله منورنى فى اى وقت وفى كل وقت من غير اعتذارات
انت يا راجل صاحب مدونة
ميرسى بجد على الكلام الجميل اللى مش لاقيه اللى يوفيه حقه فى الرد
الموكب كله تحت امرك
وعلى فكرة عايشتنى لحظة مرور الموكب بوصفك الجميل
ارق تحياتى يا خالو أحمد
محمد ممدوح
ميرسى على مرورك وعلى كلامك الجميل هنا وهناك
حاضر هعمل بنصيحتك وهحلم دايما وربنا يحققلنا احلامنا
تحياتى واتمنى دوام المرور
صديقتى الجميلة شيرين
دائما تملكين رقه التعبير بالكلمات
نعم كل منا بداخلة تلك الاميرة الصغيرة التى لن تكبر ابدا ومنها نستمد قوتنا
تحياتى ليكى يا قمر
صديقى الفنان الجميل سيد سعد
صاحب الريشة والقلم كما اطلقت عليك صديقتنا شيرين وحسيت انو يليق بيك اوى
شرف ليا ووسام انى فعلا حققت التقدم دة
ومبسوطة جدا انى قدرت اوصلك صوت البحر ونسماته ومداعباته
شكرا ليك ولكلماتك الرقيقة الجميلة
تحياتى على الدوام
بحبها
فعلا نحن من نتغير بواقعنا ولكن ستظل الأحلام دوما جميلة بما تحملة مهما تغيرنا ومهما تغير الواقع من حولنا
ميرسى على مرورك وكلامك
وانا كمان سعدت بزيارة مدونتك
تحياتى
lion king
ميرسى على الإطراء
تحياتى
أنتى محتاجة قعدة للقراة والتعليق
انا هادخل بعد الامتحان واقر واعلق على واحدة واحدة
انما من قرأتي للأخير دى عايزة بوست ليها عشان يعلق عليها
وعشان كدا انا بوعدك انى هاعمل بوست عشانها
لأنها رائعة لأنها تشبه ناس كتير لما بيكون قصادها أحلامها وكل ما تقرب منها ويزيد الأمل تختفي احلام وكأنها سراب
انا اكيد هارجعلك تانى
........................
ريال لف
اسفة على التأخير بسبب امتحاناتى
إذا جف نبع الامل
فليس هناك سوى خزان الذكريات
نستمد منه ماء ماضينا
عبر جدول حاضرنا
لنروي به زهرة حلم مستقبلنا
فى حضن موجه بحرية
تشتاق الى شاطىء
تلامس انامل رماله
تهمس لصخور شطأنه
باحلام اميرة البحور
الناصعة البياض
دمت بخير
تحياتى
على
صديقتى الجميلة جدا جدا
أنا فعلا أفتقدتك بس ربنا معاكى ويوفقك
واكيد هستناكى بعد الأمتحانات وتييجى وتعلقى لأنى بجد بستنى رأيك وكلامك الجميل وبيهمنى اوى مرورك الجميل
تحياتى يا قمراية لحد ما ترجعى
love & other things
على
حقيقى مش لاقية رد يوفى جمال ورقه كلماتك اللى هى فى حد ذاتها بوست من قلب البوست بتاعى
بجد ميرسى
وشكرا مرورك الجميل وارجو متكونش اخر مرة
تحياتى
أميرتي سهر الليالي
من حقك ان تحلمي حتى أخر يوم من عمرك
ومن حقك أيضا أن تشعري بنفسك كأميرة صغيرة الى ان يأتي فارس أحلامك وقتها ستجدي نفسك أميرة الأميرات
تحياتي لاحساسك الرائع
مى يا جميلة
اولا ميرسى على تلبيه دعوتى
وعلى فكرة كل واحدة مننا أميرة صغيرة مهما كبرت ومهما كبرنا لا يمكن نبطل حلم
ميرسى يا قمرة
Post a Comment