ودخلنا على موسم كلنا مرينا بيه فى وقت من الأوقات ولسه فى ناس بتمر بيه دلوقتى
موسم الأمتحانات
هتلاقى كل حد يعرف حد داخل على الموسم دة
ولأن لينا أصحاب كتير من المدونين وغير المدونين أكيد
وقرايب أو أخوات أو أى حد من الأهل أو الجيران
وكلهم يا عينى داخلين على نفس العكة دى
ولأننا عارفين أحساسنا كان أزاى فى الوقت دة
وكنا بنبقى قد ايه محتاجين لحد يدعيلنا ويشجعنا
فأنا من هنا
بقولهم كلهم أحنا معاكو بقلوبنا
وبندعيلكو من قلوبنا
وربنا يوفقكو كلكو ويكلل سعيكم بالنجاح
وبقول لأصدقائنا المدونين منهم خاصه أننا حنفتقدكو لحد ما ترجعو
وبالتوفيق إن شاء الله
24 comments:
انا اول مرة ازورك يا سهر
واول واحد بعلق
واول واحد فى طابور المعجبين
وخاصة لانك اسكندرانية
اتمنى لو تزورينى
كريم بهي
اه
عن الامتحانات
فعلا هايمتحنووووووونى يوم 30 / 12
وانا فى كلية تجارة
عارفة يعنى ايه تجارة
اكيد انت عارفة بقى
ماانتى مننا وعلينا
فاصـل إعلاني :
زورونـا تجدون ما يسركم، وبأقل الأسعار، قائمة كبيرة من الكتب ، للعديد من دور النشر تحت سقف واحد، وبأسعار لا تقبل المتافسـة )
كل عيد وأنتم كويسين
اممممممممممممممممممممممممممم
على فكره الحياه كلها امتحانات مش في مواد دراسيه لاااااااا
في حاجات اصعب بكتيييير
كان الله في عون الطلبه
الحياة كلها امتحانات
واللي اتخرج هايعرف قيمة ان الامتحانات دي مشكلتها بسيطة بالنسبة للطاحونة اللي برة اسمها الدنيا
على العموم ربنا مع كل اللي وراه امتحان ويوفقه يارب
دمت بخير
كريم بهى
نورتنى والله يا كريم أول زيارة وأول تعليق
ويارب متكونش أول واخر زيارة بقى مدام بقيت فى طابور المعجبين وطلعت فى تجارة كمان
ميرسى بجد واتمنى تكون المدونة عجبتك واكيد هزورك
وطبعا أسكندرانية جدا كمان
ربنا يوفقك فى الأمتحانات وعلى فكرة أنا كنت بحب كلييتى جدا اللى هى كليتك دلوقتى فنصيحه منى استمتع بيها اوى
تحياتى
عمر بوك ستور
ميرسى على الفاصل واوعدك بالزيارة
كل عام وانت بخير
تحياتى
صديقى الجميل الأسكندرانى أوى
صدقت والله يمكن كان أسهل الأمتحانات هى الأمتحانات بتاعت الدراسة
ولو يعرفو الطلبة كدة كانو استمتعو اوى بأمتحانتهم
ربنا يوفق الجميع
تحياتى
صاحب المضيفة
نورتنى بزيارتك وكلامك
فعلا أحنا لما أتخرجنا عرفنا أن قد إيه كانت مسئوليه أننا نزاكر وننجح أهون بكتير من اللى بعد كدة وأن برة فى مطحنه
بس كمان اكيد برضو عارفين انهم محتاجين اننا نشجعهم وندعيلهم
وربنا يوفقنا كلنا
تحياتى
صديقتى الجميلة
سهر الليالى
شكرا على مشاعرك الرقيقة تجاة اصدقائنا الممتحنين
بجد جو الامتحانات ده الحمد لله انى خلصت منه
ده انا كانت بطنى بتوجعنى
بكرة اوى جو التوتر ده
سنة سعيدة عليكى
كدة انتى اول حد اهنئة بالعام الجديد
Happy New Year 2008
ويارب يجعل كل ايامك سعادة
تحياتى
فضيحـــــــــــــة بالسعوديـــــة
http://gamal51.blogspot.com
كلنا بندعي لكل طالب داخل علي الامتحانات ان ربنا يوفقه ان شاء الله
عندك حق حاسة بيهم اوى
اكيد كلنا مرينا بالفترة دى
حاجة صعبة بجد
مدونتك جميلة
كل سنة وانتى طيبة مش عشان العيد بس عشان السنة الجديدة كمان
أهئ أهئ أهئ أهئ اهئ
انا من الي انتي قاصدك عليهم
انا فعلا نفسي حد يوهب نفسه بس للدعاء ليا والنبي
ربنا يخليكي لينا
وادعيلي والنبي بقلب جامد قوي
يلابقي(بست وشز فور يو)0ياجميله
انا بضم كلمتى ليك يا سهر
ربنا يوفقهم كلهم
وطبعا وكريم العزيز اولهم ان شاء الله
سهر الجميلة
ميرسى لمرورك المنور عندى والله شرفتينى اوى
واتمنى تكون المدونة عجبتك بجد
اما بقى عن الكلية وحكاية استمتع بيها
فعلا انا مستمتع بكل حاجة فيها
الدراسة والاصدقاء والجامعة وحاجات كتيير اوى
وملحوظة ع الماشى كدا
انا كلية تجارة بنها
الفرقة الثانية يافندم
والاول على الدفعة الفرقة الاولي
امتياز 92%
وبس
ميرسى جدا
تحياتى
صديقى اللدود خالو أحمد
ادعيلهم معايا الله يخليك وهبقى اشوفك بحاجة لما يخلصو
ههههههههههه
والحمد لله انك خلصت من وجع البطن ماهو مينفعش يكون وجع بطن فى المزاكرة والأكل كمان
هههههههه
ميرسى يا جميل اوى على التهنئة وعلى انى اول حد تهنيه نردهالك فى الأفراح كدة ان شاء الله
كل سنه وانت طيب ويارب يجعلها سنه جميلة عليك واسعد من اللى فاتو كمان
كدة انا ليا اتنين جنية ها
:)
تحياتى يا خالوووووو
الشريف جمال طه
قلوبنا كلها معاك وربنا يرفع عنك الظلم ان شاء الله
تحياتى
بحبها
ميرسى بجد على المشاركة
وان شاء الله ربنا يكلل تعبهم بالنجاح
تحياتى
مروة الزارع
فعلا كلنا مرينا بالفترة دى وعارفنها وربنا يوفقهم كلهم
ميرسى ومبسوطة من زيارتك الجميلة ومبسوطة ان المدونة عجبتك
كل سنه وانتى طيبة والسنه الجاية يارب تكون احلى
نورتى يا قمرة
نورى
امسحى دموعك يا أمال ... قصدى يا جميلة
حاضر ان شاء الله هدعيلك من قلبى وانا بدعيلكو دايما
وهستناكى بعد ما تخلصى يا جميلة عشان تقوليلى نجحت
ربنا يوفقك
تحياتى
شرين حبيبتى
ميرسى يا جميلة ويارب يستجيب دعانا ان شاء الله وكريم يا ستى كمان معاهم
نورتى يا قمر
كريم باشا
أنا كمان سعيدة لمرورك الجميل عندى
وميرسى بجد على كلامك دة ومدونتك حلوة فعلا ومستنينك بعد الامتحانات ان شاء الله
وبعدين واضح ان عليك توصيه جامدة اهه وشيرين كمان بتوصى عليك
ربنا يوفقك يارب
اما عن الكلية ربنا يارب يديم نجاحك ما شاء الله واستمر على كدة لحد ما نقولك يا دكتور والحمد لله انك مستمتع كدة
يا ابنى دى كانت احلى ايام العمر بجد
بشكرك اوى
تحياتى
سهر ازيك
الامتحانات ربنا يوفق الجميع ويوفقنا وفعلا انا مع كريم الدنيا بعد كدة فيها امتحانات ملهاش حل بس الواحد يخلص اللي عليه والباقي على ربنا
تحياتي
Post a Comment