أيوة زغروطة تانية وتالته كمان
أصل أنا بعشق الفرح والهيصه
بس المرة دى الزغروطة طالعه من القلب
ألف مبروك يا مصريين علينا كاس افريقيا وعقبال كاس العالم
ايييييه .... لا متقولوش كدة .... أة نقدر بس انتو قولو يارب
لأننا فعلا لو صممنا على حاجة وأجتهدنا وعملنا اللى علينا مع دعوات المصريين أهل القلوب الجميلة بنعمل كتير أوى والله زى ما شفتو لأن فريقنا عمل شغل جامد وربنا كلل تعبهم
بس عايزين نجتهد فى كل حاجة بقى ونصمم كدة على النجاح عشان اكيد والله هننجح
أحنا حلوين اوى بس نفوق
مبروك يا مصر مبروك يا كل المصريين
.
.
أة وتنويه هام كمان بالمرة ياريت برضو كل لاعيب وهو نازل من باب الطيارة كدة يرش حبه من اللى قعدو يلموهم النهاردة
يعنى بالملاين والدولارات ..... اللهم لا حسد يعنى
بس برضو عشان اخواتهم المصريين الغلابه اللى كانو بيدعولهم دول
ولا ايييييييييييييييه
ويجعلو عامر
9 comments:
اه والله رجاله بجد
متش يشرف
رفعوا راسنا
بس ايه يا سهر النق ده
بصالهم فى الملايييييييييين اللى هيخدوها
:)
الماتش كان هايل - والصراحة تقال - زيدان هو اللى جاب الجون مش ابو تريكة -ده الراجل اتطحن عشان يغمزها للى جاتله البيضة مقشره مفيهاش تعب -ده غير كمان انى عمر ماشفت ابو تريكه بيشكر زيدان على المجهود الفظيع اللى بيعمله عشان مصر والفريق لا فى ماتش الكاميرون ولا مع كوتيفوار - زمان فالتسعينات لما كان روماريو بيددى لبيبيتو كور بالهبل والتانى يجبها إجوان على طول بالظبط زى بتاعه زيدان - كان بيبيتو بعد مايجيب الجون على طول يلف لروماريو ويشاور عليه او يحضنه وكأنه بيقوله انت يا باشا اللى جبت الجون مش انا , هناك عندهم دم ومابيحبوش يمثلوا , عندنا الدم إتعدم وبنموت فالتمثيل (طبعا إنت فاهمة انا قصدى على مين فالفريق) على العموم تحية كبيرة جدا منى للعباقرة الثلاثة الموجودين فالفريق المصرى الذى لولاهم ماكان جاء الكأس الغالى (زيدان العبقرى , والحضرى باشا , وجمعه الأسد) وأخيرا احب أقول رأيى فى أسوأ لاعبى المنتخب وهو بلا أدنى شك الدونكى (أحمد فتحى ) لاعب قد يكون محترف لكن الذكاء عنده معدوم بالمرة , وأحب أقول رأيى فى أحسن لاعب بعد زيدان هو اللاعب رقم 8 لا أذكر إسمه ولكنه لاعب محترم بجد (مش زى التانى يعنى) وعنده موهبة وذكاء , ومبروك على مصر الكاس وعقبال كاس العالم إن شاء الله - قولى آمين
لم اكن اعرف انك تشجعى الكرة
نستحق ان نفرح طبعا بفريق جميل مشرف فعلا .. وادارة فنية اعترف .. لأول مرة محترفة لأنها ركزت عالفريق .. وليس الافراد
مبروك علينا كلنا وربنا يزود افراحنا
ألف مبروك على فوز مصر كلها مش المنتخب بس
ربنا معانا كلنا دايما ويوفقنا للأحسن
دمت بخير
بجد انا عايز 10 جنيه من بتاعت غانا مش كنت بشجع ولا ايه
مش دي القناه التانيه
احم احم .. احب اهدي الفوز ده للسيد رئيس المجلس المحلي عندنا عشان زفلتنا الطرق اللي احنا رقصنا عليها
واتوجه بالشكر ايضا لكل بائعي الطبل البلدي والبلاستيك عشان ساهمو في الفوز والفرحه بالفوز
واخص بالشكر كل امناء الشرطه اللي ماقفشوش ولا واحد من الشباب اللي كانو بيحششو في الشوارع ويادوبك نصصو معاهم عشان مايبوظوش فرحة النصر لمصر
وعظيمه يا مصر .. يا ارض اللوا
سلاموووووووووووووووز
ههههههههههههههههههه
مبرووووووووووووووووووك
تعاطفنا مع غزه وسجدنا لله شكرا فحققنا الفوز بأجمل هدف
مبروك لكل مصر
:)
تحياتي
صناعة الفرحة طلعت شىء صعب جدا
شوفى قد ايه ملايين البسطاء فرحوا؟
و قد ايه مكناش منتظرين تكون النتائج بهذه العظمة
حقيقى حقيقى الفرحة حلوة
Post a Comment