كل سنة وانتو طيبييين
فسيخ ورنجا وفى الأجازات مهيصييين
وربنا يحفظلنا بلدنا ونعيش فيها أمنييين
ما تسمعونا يا جماعة أمييييين
الأجازاااااااات .. يا سلام على الأجازاااااااات
بحبها جدا جدا جدا
وخصوصا لما تكون متجمعه وفيها مناسبات تلاقى الناس كلها فى الشارع فى وقت واحد كنت بتضايق أوى وببقى مبقوقة لما كنت فى الأيام دى منزلش زى الناس بسبب مزاكرة أو أى حاجة تانية وببقى فرحانه جدا لما بنزل وألاقى الناس كلها فى الشارع زيى وأنا زيهم
بحب لمتهم حتى لما بتعمل زحمه بس بحس أن الناس كلها منشكحه حتى لو وراها جبال هموم بس أهه فى اللحظة دى نازلين يفرجو عن نفسهم شوية
بحب يوم شم النسيم دة أوى
بحب أنزل وأتمشى فى الشمس على شط بحر اسكندرية وكان أغلب الأوقات فى المعمورة اللى بالرغم من زحمتها برضو بحبها أوى وليها ذكريات عندى حلوة أوى
بحب الفسيخ والرنجه ومعرفش ليه فى اليوم دة بالذات بيبقى ليهم طعم تانى
بحب فيلم أميرة حبى أنا (واللى جابوه يوم ما اتولدت زى ما مامتى بتقولى ومعرفش عرفو منين انى اتولدت) وأغنية الدنيا ربيع لانى ومعرفش ليه بالرغم من أن الربيع بيبقى بدأ من بدرى إلا أنى بحس أن يوم شم النسيم دة هو بداية الربيع وأغنيه سعاد حسنى بتعمل لليوم طعم تانى
بحب لمتهم حتى لما بتعمل زحمه بس بحس أن الناس كلها منشكحه حتى لو وراها جبال هموم بس أهه فى اللحظة دى نازلين يفرجو عن نفسهم شوية
بحب يوم شم النسيم دة أوى
بحب أنزل وأتمشى فى الشمس على شط بحر اسكندرية وكان أغلب الأوقات فى المعمورة اللى بالرغم من زحمتها برضو بحبها أوى وليها ذكريات عندى حلوة أوى
بحب الفسيخ والرنجه ومعرفش ليه فى اليوم دة بالذات بيبقى ليهم طعم تانى
بحب فيلم أميرة حبى أنا (واللى جابوه يوم ما اتولدت زى ما مامتى بتقولى ومعرفش عرفو منين انى اتولدت) وأغنية الدنيا ربيع لانى ومعرفش ليه بالرغم من أن الربيع بيبقى بدأ من بدرى إلا أنى بحس أن يوم شم النسيم دة هو بداية الربيع وأغنيه سعاد حسنى بتعمل لليوم طعم تانى
يوم تحرير سينا دة بقى
بحب فيه أحساس النصرة اللى غايب عننا بقالو كتير
بحب فيلم الطريق إلى إيلات واللى مهما بتفرج عليه مبزهقش منو وأفضل قلقانة برضو طول الفيلم عليهم وبيبقى عندى أمل أن مرسى (اللى هو عبد الله محمود) ميمتش ويرجع معاهم ولمريم وبرضو بلاقى نفسى عاوزة أعيط فى أخر الفيلم
بحب فيه أحساس النصرة اللى غايب عننا بقالو كتير
بحب فيلم الطريق إلى إيلات واللى مهما بتفرج عليه مبزهقش منو وأفضل قلقانة برضو طول الفيلم عليهم وبيبقى عندى أمل أن مرسى (اللى هو عبد الله محمود) ميمتش ويرجع معاهم ولمريم وبرضو بلاقى نفسى عاوزة أعيط فى أخر الفيلم
بحب أوى حاجة تانية كدة يمكن ملهاش علاقة بكلامى بس هى مربوطة بكل الأحاسيس دى اللى هى
وأنت ماشى فى طريق الساحل أو مصر اسكندرية او مطروح يعنى اى طريق هاى واى تقوم تلاقى العربيات اللى جاية من الطريق المعاكس ليك بتقلبلك نور عشان فيه لجنه او ردار قدام تقوم انت تنورلو حته كدة كأنك بتشكرو وتقوم مهدى عشان تتفادى الخطر الحكومى اللى جاى عليك
ياااااااااه بيبقى احساس حلو اوى
تحس كأن الطريق كلو عيلة واحدة مع ان الناس متعرفهاش بس هما خايفين عليك وفى تواصل بين الناس
الله ... كل دى ذكريات وحاجات حلوة بحبها اوى
ربنا يديم علينا كل جميل يارب ويحفظنا ويجمعنا على خير دايما مع اللى بنحبهم
ياااااااااااااااااااااااااااارب
ملحوظة صغننه انا هسيب علبة كلورتس على باب المدونة عشان ريحه البصل بس ها
وكل سنة وأنتو طيبين
الله ... كل دى ذكريات وحاجات حلوة بحبها اوى
ربنا يديم علينا كل جميل يارب ويحفظنا ويجمعنا على خير دايما مع اللى بنحبهم
ياااااااااااااااااااااااااااارب
ملحوظة صغننه انا هسيب علبة كلورتس على باب المدونة عشان ريحه البصل بس ها
وكل سنة وأنتو طيبين
24 comments:
كل سنة وانتى احلى ميرو فى الدنيا
تعرفى
انا فى البوست ده بالذات حاسس اوى بطيبة قلبك
طيبة قلب على حق ربنا
مفيهاش اى زيف او خداع او تجمل
وكمان انتى بالبوست ده خليتى الكام يوم دول هيبقى عليهم طعم تانى
:)
تحياتى ليكى يا مبدعة
احمد
انا جيت تانى اسلم
كل سنه والجميع بخير وصحه وسعاده
كل سنه وانت طيبه بس انا برضه زعلان علشان ماعدتيش علي مدونتي
كل سنة وانتي جميلة وفرحانه اللهم امين
كل سنة وانتي طيبة يا احلي سهر
بجد خليتي مصر توحشني
مصر وشم النسيم وتحرير سينا وشطك يا اسكندريتي
بجد يا سهر مافيش احلى من مصر مهما نضفت الشوارع وعليت المباني وكترت الانوار واتظبطت الدنيا
مافيش برضه في جمال وحلاوة وروح وطيبة بلدنا
مهما اشتكينا منها ومهما اتبهدلنا فيها ومهما الناس جاعت ووقفت طوابير ومهما الحديد ولااسمنت غلي ومهما الزيت بقي بعشرة جنيه اللتر ومهما حصل
بجد والله مصر دي في القلب وروحها ماتلاقيهاش في اي بلد في الدنيا
وطبعا اسكندرية دي في صميم القلب
:)
مش محتاجه اقولك طبعا اني مفتقد كل الاحاسيس الحلوة دي
ومش عايز اقولك اني طبعا باحسدكم جدا انكم في مصر دلوقتي وبأرر عليكم
:)
كل سنة وانتو طيبين
كل سنه وانتى طيبه ياحبيبتى
يابختكككك بتشمووه ف اسكندريه
يارب يديم علينا جميعا اللمه والفرحه والزأططه
ياريت
احسن الريحة بقت صعبة اوي
هههههههههه
احسن حاجة في الاجازات ان الواحد بيلاقي حجة لعدم الذهاب للكلية
بصراحة بلا كلية بلا بتاع
القعدة في البيت متعة برده
ربنا يزود اجازاتنا كمان وكمان
الله يخليكى ياست الكل على الكلورتس الواحد كان عايزة اوى ماتعرفيش اد اية
كل سنة وانتى طيبة
كل سنة وانتى طيبة
وايامك كلها اعياد يا ست ميرو
وبلاها بصل وفسيخ علشان المدونة
ومبروك على الربنامج الاذاعى وبالتوفيق دائما
تحياتى
خالد
كل سنة و انتي طيبة و ذكرياتك و احاسيسك جميلة جدا
و حلو موضوع الطريق دة
خالو أحمد
كل سنة وانت طيب يا جميل
تسلملى على الكلام لحلو دة اللى هو من بعض ما عندكم يعنى
ويارب يعجبك طعم اليومين دول وأتمنى يكون الكلورتس نفعك
:)
تحياتى يا سكر
يا باشا انت تنور فى اى وقت
:)
اسكندرانى
كل سنة وانت طيب وبصحه وسعادة أنت كمان يارب
نورت بعد الغيبة
تحياتى
أفيونى
كل سنة وانت طيب ومتزعلش بقى اوك
تحياتى
نهى عندى ومنورانى كمان
دة ايه الحاجات الحلوة دى
:)
كل سنة وانتى طيبة يا قمر
ربنا يخليكى ليا
تحياتى
مصطفى يا اسكندرانى
كل سنة وانت طيب
والله من غير ما تقول حاسة بكل اللى انت قلتو سواء عن مصر مع انى مجربتش ابعد عنها او اشوف غيرها بس عارفة قد ايه هى جميلة
او سواء عن افتقادك لكل الاحاسيس اللى انت قلت ليها
ربنا يهون عليك غربتك وترجع لاسكندريتك بسلامه
تحياتى يا جميل
دكتورة ياسمينا
اللهم أمين يارب
كل سنة وانتى طيبة والمرة اللى جاية ان شاء الله تكونى معانا فى اسكندرية
:)
تحياتى يا سكر
رئيسة حزب الأحلام
أى خدمه يا جميل وممكن انزل كانزات بيبسى كمان عشان عارفة من غير ما تقولى الواحد بيبقى محتاج ايه
:)
تحياتى
أفاق الحرية
أرجو أن الكلورتس تكون نفعت عشان الريحه الصعبه
ههههههههه
أحلى حاجة فى الأجازات اليوم اللى قبل الأجازة
ههههههههههه
والنوم طبعا
ربنا معاك فى كليتك
تحياتى
صاحبة مدونة حسبى الله ونعم الوكيل
كل سنة وانتى طيبة انتى كمان
نورتى
خالد
كل سنة وانت طيب وأمين يارب ربنا يجعل كل أيامنا أعياد وأفراح يااااارب
والله يبارك فيك وعقبالك
ميرسى يا خالد
نورت
شموووووووس
حمد الله على السلامة يا جميل
كل سنة وانت طيب
وميرسى خالص انك شاركتنى ذكريات واحاسيسى دى
تحياتى يا جميل
Post a Comment