الحقيقة من كتر ما الواحد بقى يقعد كتير قدام شاشه الأختراع الفظيع المدعو كمبيوتر
والعالم الأفتراضى اللى بيعيشنا فيه
ودنيا التدوين اللى بقيت عايمة فيها وبقت كل حاجة تطق فى دماغى بدل ما تتخنق جوايا زى زمان أو يقولو عليا طائة بقت تطلع فضفضه مع مدونتى ومعاكو
يعنى تقريبا أتاح الفرصة أن دماغى تضرب على الأخر أكتر ما هى
حاجتين فى الدنيا دى بيخلونى عايشة ولا أليس فى بلاد العجايب
أحلامى سواء وأنا نايمه أو أحلامى وأنا صاحية واللى بتتمثل فى سرحاااااااان فظيع
والحاجة التانية قعدتى على النت
المهم يعنى الخلط بين إحساس الحلم اللى على طول عايشة بيه والقاعده المطولة اللى بقعدها على الأختراع دة وفكرة أن أى حاجة محتاجها ممكن تدور عليها وتجيبها على النت بكل سهولة كل دة ولد ضربان جامد فى الدماغ قلب بأنى بقيت أحس
أن فى حاجات بعملها على الكمبيوتر ببقى على وشك إنى أعملها فى الواقع لولا إنى بفوق فى اللحظة المناسبة لأدرك وقتها أنه يا سلااااااااااااام لو كانت موجودة فى الواقع كانت حلتلى مشاكل كتيره أوى
يعنى لو مثلا كان فى
Copy / Ctrl C – Paste / Ctrl V
يااااااااه كانت هتفرق معايا أوى لأن أوقات مثلا ينطلب منى أكتب حاجات من ورقة أو أنا أصلا ساعات بكتب اللى بيجى فى بالى فى ورقة قبل ما أنزلة بوست مش كانت هتفرق برضو وبمناسبة الكتابة كنت اتمنى لو كل كتاباتى على الكمبيوتر لأن فى الأصل خطى وحش وساعات مبعرفش أقراه بس هنقول إيه أصل العباقرة كلهم كدة
فى حاجة برضو ببقى على وشك أنى أعملها لكن بفوق فى اللحظة المناسبة واللى هى أنى باخد كوبى من على الكمبيوتر بتاعى مثلا وأبقى عايزة أروح بالماوس على كمبيوتر حد تانى فى الشغل مثلا أعملو بيست
أو لو مثلا حد حكالى حاجه وأنا عاوزة أحكيها لحد – مش فتنة يعنى لا حكاية عادية – أخد من الكلام كوبى وأروح أعملو بيست فى ودن اللى عاوزة أحكيلو على طول بدل الرغى الكتير
Ctrl F
دى بالذات بقى ببقى هموت وأستخدمها ... لانى بصادف أوقات كتير ببقى بدور على حاجة مهمه فى الأوضه عندى ومش لاقياها أو ورقة مهمه فى مكتبى ومش لاقياها ... ولا يا سلام مثلا لو كل حاجة كانت ينفع نرنلها لما نكون بندور عليها زى الموبايل كدة مثلا
ولا بقى فى اختراع نفسى يخترعوه – واللى ناتج عن كسل رهيييييييييب – يعنى لما بفتح دولاب الهدوم عندى بيبقى اوقات نفسى يكون فى زراير فى الجمب أدوس على زرار الحاجة اللى أنا عاوزاها يقوم مطلعهالى
أو زرار تانى بقايمة الهدوم وهيستورى لكل حاجة لبستها أمتى وكام مرة وأقتراحات بممكن البس إيه النهاردة مثلا كانت وفرت عليا حيرة كل يوم الصبح واللى بكون أصلا مش شايفة قدامى
Ctrl Z
أهه دى بقى حكاية لوحدها وهى اللى خلتنى أفكر أجمع الأحاسيس بتاعت البوست دة كلو
كتير أوى بيبقى نفسى أعمل أن دو لحاجات بعلمها زى ما مثلا أقول كلمة وأحس إنها مش فى محلها أكيد كانت ممكن توفر كتير من أعتذارات وكانت ممكن تحافظ على حاجات كتير فى حياتنا مهمه
أوقات فى حاجات مثلا بتضيع مننا بدوسه بسيطة على زرار وفى حاجات بنتمنى لو كنا نرجع ثانية زمن كانت تفرق كتير أوى
Invisible
حاجة بيبقى نفسى أعملها كتير أوى وخصوصا لما بكون مزنوقه ومحطوطة فى موقف وحييييييييييييييش
Restart
يااااااااااااااه لو كان فى ايدينا نعمل ريستارت لحاجات كتير يمكن كنا قدرنا نحافظ على كل حاجة جميلة لأن تقريبا فى أكتر الأوقات البدايات بتكون أجمل كتير من أى حاجة تانية بعدين
يا سلام لو كنا نقدر نعمل ريستارت لحياتنا كلها من الأول ونعيد ترتيب كل حاجة فيها نصحح كل اللى شفنا إننا غلطنا فيه ونتلاشى أخطائنا ونعتذر للناس اللى غلطنا فى حقهم ونقضى وقت أطول مع الناس اللى محسيناش بغلاوتهم وحلاوة الوقت معاهم إلا لما فارقونا .... ياااااااااااه يمكن كانت الدنيا بقى ليها طعم تانى
إيه المود اللى دخلنا فيه ده
أهو أحنا بقى دلوقتى محتاجين نعمل واحدة
Stop
ونديها واحدة
Refresh
عشان نرجع لأليس فى بلاد العجايب من تانى
تفتكرو التخاريف دى ناتجه من إيه من كسل مثلا ولا عشان التكنولوجيا اللى لخبطتلنا عقولنا
عامة والله أنا فى الزمن دة مبقتش أستبعد حاجة وكتير فكرنا فى حاجات ومكناش متخيلين إنها هتحصل فى الدنيا وحصلت أبسط مثال هو إحنا كنا نتخيل إننا كنا ممكن نكلم حد فى أى حته فى الدنيا فى حاجة صغيرة كدة من غير سلك أسمها موبايل وكمان ممكن نشوفو مثلا
يلا وما خفى كان أعظم واللى يعيش ياما يشوف
والعالم الأفتراضى اللى بيعيشنا فيه
ودنيا التدوين اللى بقيت عايمة فيها وبقت كل حاجة تطق فى دماغى بدل ما تتخنق جوايا زى زمان أو يقولو عليا طائة بقت تطلع فضفضه مع مدونتى ومعاكو
يعنى تقريبا أتاح الفرصة أن دماغى تضرب على الأخر أكتر ما هى
حاجتين فى الدنيا دى بيخلونى عايشة ولا أليس فى بلاد العجايب
أحلامى سواء وأنا نايمه أو أحلامى وأنا صاحية واللى بتتمثل فى سرحاااااااان فظيع
والحاجة التانية قعدتى على النت
المهم يعنى الخلط بين إحساس الحلم اللى على طول عايشة بيه والقاعده المطولة اللى بقعدها على الأختراع دة وفكرة أن أى حاجة محتاجها ممكن تدور عليها وتجيبها على النت بكل سهولة كل دة ولد ضربان جامد فى الدماغ قلب بأنى بقيت أحس
أن فى حاجات بعملها على الكمبيوتر ببقى على وشك إنى أعملها فى الواقع لولا إنى بفوق فى اللحظة المناسبة لأدرك وقتها أنه يا سلااااااااااااام لو كانت موجودة فى الواقع كانت حلتلى مشاكل كتيره أوى
يعنى لو مثلا كان فى
Copy / Ctrl C – Paste / Ctrl V
يااااااااه كانت هتفرق معايا أوى لأن أوقات مثلا ينطلب منى أكتب حاجات من ورقة أو أنا أصلا ساعات بكتب اللى بيجى فى بالى فى ورقة قبل ما أنزلة بوست مش كانت هتفرق برضو وبمناسبة الكتابة كنت اتمنى لو كل كتاباتى على الكمبيوتر لأن فى الأصل خطى وحش وساعات مبعرفش أقراه بس هنقول إيه أصل العباقرة كلهم كدة
فى حاجة برضو ببقى على وشك أنى أعملها لكن بفوق فى اللحظة المناسبة واللى هى أنى باخد كوبى من على الكمبيوتر بتاعى مثلا وأبقى عايزة أروح بالماوس على كمبيوتر حد تانى فى الشغل مثلا أعملو بيست
أو لو مثلا حد حكالى حاجه وأنا عاوزة أحكيها لحد – مش فتنة يعنى لا حكاية عادية – أخد من الكلام كوبى وأروح أعملو بيست فى ودن اللى عاوزة أحكيلو على طول بدل الرغى الكتير
Ctrl F
دى بالذات بقى ببقى هموت وأستخدمها ... لانى بصادف أوقات كتير ببقى بدور على حاجة مهمه فى الأوضه عندى ومش لاقياها أو ورقة مهمه فى مكتبى ومش لاقياها ... ولا يا سلام مثلا لو كل حاجة كانت ينفع نرنلها لما نكون بندور عليها زى الموبايل كدة مثلا
ولا بقى فى اختراع نفسى يخترعوه – واللى ناتج عن كسل رهيييييييييب – يعنى لما بفتح دولاب الهدوم عندى بيبقى اوقات نفسى يكون فى زراير فى الجمب أدوس على زرار الحاجة اللى أنا عاوزاها يقوم مطلعهالى
أو زرار تانى بقايمة الهدوم وهيستورى لكل حاجة لبستها أمتى وكام مرة وأقتراحات بممكن البس إيه النهاردة مثلا كانت وفرت عليا حيرة كل يوم الصبح واللى بكون أصلا مش شايفة قدامى
Ctrl Z
أهه دى بقى حكاية لوحدها وهى اللى خلتنى أفكر أجمع الأحاسيس بتاعت البوست دة كلو
كتير أوى بيبقى نفسى أعمل أن دو لحاجات بعلمها زى ما مثلا أقول كلمة وأحس إنها مش فى محلها أكيد كانت ممكن توفر كتير من أعتذارات وكانت ممكن تحافظ على حاجات كتير فى حياتنا مهمه
أوقات فى حاجات مثلا بتضيع مننا بدوسه بسيطة على زرار وفى حاجات بنتمنى لو كنا نرجع ثانية زمن كانت تفرق كتير أوى
Invisible
حاجة بيبقى نفسى أعملها كتير أوى وخصوصا لما بكون مزنوقه ومحطوطة فى موقف وحييييييييييييييش
Restart
يااااااااااااااه لو كان فى ايدينا نعمل ريستارت لحاجات كتير يمكن كنا قدرنا نحافظ على كل حاجة جميلة لأن تقريبا فى أكتر الأوقات البدايات بتكون أجمل كتير من أى حاجة تانية بعدين
يا سلام لو كنا نقدر نعمل ريستارت لحياتنا كلها من الأول ونعيد ترتيب كل حاجة فيها نصحح كل اللى شفنا إننا غلطنا فيه ونتلاشى أخطائنا ونعتذر للناس اللى غلطنا فى حقهم ونقضى وقت أطول مع الناس اللى محسيناش بغلاوتهم وحلاوة الوقت معاهم إلا لما فارقونا .... ياااااااااااه يمكن كانت الدنيا بقى ليها طعم تانى
إيه المود اللى دخلنا فيه ده
أهو أحنا بقى دلوقتى محتاجين نعمل واحدة
Stop
ونديها واحدة
Refresh
عشان نرجع لأليس فى بلاد العجايب من تانى
تفتكرو التخاريف دى ناتجه من إيه من كسل مثلا ولا عشان التكنولوجيا اللى لخبطتلنا عقولنا
عامة والله أنا فى الزمن دة مبقتش أستبعد حاجة وكتير فكرنا فى حاجات ومكناش متخيلين إنها هتحصل فى الدنيا وحصلت أبسط مثال هو إحنا كنا نتخيل إننا كنا ممكن نكلم حد فى أى حته فى الدنيا فى حاجة صغيرة كدة من غير سلك أسمها موبايل وكمان ممكن نشوفو مثلا
يلا وما خفى كان أعظم واللى يعيش ياما يشوف
.
36 comments:
في الجنه بقى
تقنيه اعلى من كده كمان
تفكري في الحاجه تيجي على طول
من غير
كنترول واي حاجه خالص
يلا
ما دمنا بنحلم ونسرح
نكمل
تحياتي للفكرة والبوست الجامدين
تخريفة تكنولوجية منى
ممكن تستعمللى فورمات امتى
Formating?
استر يارب
احسن حاجة حتة
restart
ساعات كتير بحتاجها
ساعات كتير ببقي نفسي اخلص موقف معين بأي طريقة
بس للاسف مبعرفش
بس بحييك علي الموضوع
تحياتي
هي الدنيا تنفع بالشكل ده
دي تبقى عيشة غريبة قوي
ههههههههههههه
ربنا يرحمنا من توهان النت وأيامه
الواحد شوية وهايكون كده برضو
تحياتي
متهيئلي الكلام دة كله ممكن تعمليه عادي جدا لو عملتي
update لافكارك
دكتور حر
أولا نورت مدونتى جدا
وفعلا ربنا يوعدنا الجنه إن شاء الله يارب
وطبعا طبعا وقتها كل حاجة أكيد هيبقى ليها طعم تانى خالص
بشكرك بجد
تحياتى
مر صاحب الخروشات
إمممممممم
سؤالك جميل يا فندم
هو صحيح انا كتبت اللى انا بحس دايما انى محتاجاه
بس ممكن اقولك ان دى ممكن استخدمها مع اى شخص مش عاجبنى يعنى افرمتة على مزاجى بقى
ههههههههههه
تحياتى ونورتنى
أفاق الحرية
ماهو نعمل ايه هما لو يورونى الزرار أنا كنت دوست لى وليك عليه
:)
ميرسى يا جميل
تحياتى
أبو مالك صاحب المضيفة
ههههههههه
لا طبعا متنفعش مكنش هيبقى اسمها دنيا بقى
وأهو كلو تخاريف ربنا يستر ويرحمنا
تحياتى يا جميل
شمس يا جميل
تفتكر كدة يعنى
طب ما تقولى فين زرار الأب ديت دة
:)
كل مرة هقولك حمد الله على السلامه
دة التدوين افتقدك يا راجل
تحياتى
ايه الخيال ده
حلو اوي
تحياتي ليكي
اختك حزلووووقه
ههههههههههههههههههههه
جيتي بسرعه اوي
شكرا ليكي جدا علي تشجيعك
حطيت المقدمه ادخلي شويفيها بقي
حزلووووقه
هههههههههه يا عينى عليكى يا برنسيسه لسه بدرى على ده يا حبيبى
اقولك على سر انا كده بس فى افلام الكارتون والحاجات الجايه من الفضاء زى ايه تى ههههههههه بتمنى الاقى كده واو تيدى بير الاقيه بيكلمنى هههههههههه
عادى هسهسه وهلاوس سمعيه وبصريه بس اشربى ميه هتخفى
هههههههههه
تعرفى انه بوست جميل ودمه خفيف
وكله افكار حلوة
بس مش صعبة التحقيق زى ما انتى متخيلة ربنا اكرمنا بعقل اذكى واشطر من ده كله والدليل ان الانسان هو اللى اخترع كل ده ولسه فيه المزيد وفو ق كل ذى علم عليم
بس كفاية كده
تحياتى وتقديرى
خالد
تكنولوجيا خطيرة ممكن تبقى فى الخير وممكن تبقى شر وربنا يهدى
الأخت العزيزه سهر الليالى
تحيه طيبه وبعد
شكرا على رسالتك وآسفين على التاخير فى الرد
اولاالرد ارسل لك فى ايميل
ثانيايمكنك طبعا اضافة التسجيل
ثانيا انا عجبنى البوست والفكره جميله وتصلح لحلقه فى برنامجنا ان شاء الله
ثالثا
نعد حاليا حلقه من البنات عاوزه ايه
وبالطبع سنخبرك بكل شىء فور التسجيل وتحديد الموعد ولكن طلبنا بعض المعلومات عن المشتركات فى المدونه والتفاصيل فى الرساله اى رسالة الأميل
ولك اطيب الأمنيات
اسرة البرنامج
الكريمة .. سهر الليالي
حبيت أدعي لك بناء على طلبك هناك فقلت في نفسي هناك دعوتين وهنا دعوتين كمان
يمكن ربنا سبحانه وتعالى يستجيب من العبد الفقير
يارب يقدر لك الخير حيث كان ويرضيكي بيه ويبارك لك فيه ويصرف عن السوء بما شاء
يارب وفقها لما تحب وترضى وسهل لها طريق الخير وبارك لها في حياتها واجعلها كلها في طاعتك
يارب أفرح قلبها بما تحب وترضى وأسعد روحها بالقرب منك وازرقها جميل التوكل عليك وحسن مناجاتك
يارب اجعل لها من كل خير أكثره ومن كل شر أقله أو عدمه
يارب تقبل مني دعائي وارزقني بمثله وزيادة ولا تردنا خائبين
دمت بخير
ملحق للرساله السابقه
الأخت سهر الليالى
دعينا من خلالك ندعو كافة الأحبه زوار مدونتك لأبداء آرائهم فيما نختاره من مدونتاهم لأذاعتها على اذاعة مصر الرئيسيه او الأستماع الى مقترحاتهم ولذلك اكرر عنوان موقعنا وكذلك خصصنا مدونه لتلقى هذه الأقتراحات
والأفكار
http://dear.to/cairo
http://netonradio.blogspot.com
متهيالي ممكن نحتاج اكتر لما واحد يكون كلامه مش عاجبك نعمله
blocking
عشان يريحنا منه
اهلا بك يا ميرو في بدايه طريق اللسعان
هتلاقينا في النص لو سرعتي شوية
:)
Ctrl Z
?????????
يعني ماكنتش انا الوحيد اللي باتمنى الاوبشن ده
؟؟؟؟؟؟؟؟؟؟؟؟؟؟
طب الحمدلله ان في زيي اهو
----
يلا احنا نعمل
Ctrl S
عشان نضمن ان الحوار مايروحش في الديليت
ملحوظه
اكتر حاجه بتميز مدونتك يا سهر .. انها بسيطه قوي لدرجة اني لما باجي هنا باحس اني قاعد في الصاله بتاعة البيت ومش مستغرب الحياه
بس مين غير مكان الانتريه؟؟؟
سلامووووووووووووز
حزلوقة
أهلا بيكى فى عالم الجنوووون
هو دة بقى الروعه
هههههههههه
تحياتى ونورتى
ويا ستى الحمد لله متأخرتش عشان أكون أول المهنيين وبالتوفيق إن شاء الله
برنسيس أبى
عاااااااااا
شفتى اللى جرالى ياختشى
بس الحمد لله مطلعتش لوحدى اهو وفى فضاء اهو وكرتون بس الحمد لله انا كبرت شوية وبحب الأفلام الرمانسية
هعهعهعهع
والله ياختشى بشرب مية ساقعه طول السنة ومش محوئة يلا شكلى هشم شرابات
:)
نورتينى يا عسل
خالد
لييييييييه بس كفاية دى ما تكمل ياراجل وتمتعنى
:)
بشكرك أولا ومبسوطة ان تخاريفى عجبتك واى خدمه
انت عندك حق ان الانسان هو اللى اخترع دة بس الخوف لا الاختراعات دى تؤدى إلى طمس الإنسان من كتر الكسل وعدم تشغيل الدماغ
ربنا يستر
تحياتى ونورت
أصدقائى الأعزاء اسرة برنامج أنت تسأل والكمبيوتر يجيب
بشكركم جدا بجد على التواصل الجميل وعلى أهتمامكم فى الرد وتشريفكم لمدونتى وبجد بعتز أوى بده كله
ثانيا البوست حت أمرك طبعا لان عارفة ازاى بتتناولو المواضيع
ثالثا اتمنى اكون رديت على كل استفسارتكم فى الميل
واتمنى جميل التواصل دايما
تحياتى
رئيسة حزب الأحلام
كل حاجة فى دنيتنا فيها الخير وفيها الشر المهم أحنا هنعمل ايه
ربنا يهدينا للخير دايما
تحياتى ونورتى
اللهم أمين يارب
أخى الكريم والصديق فى الله بجد
أبو مالك صاحب المضيفة
بجد أدمعت عينى من روعه الدعاء
جزاك الله خيرا كثيرا وتقبل منك الدعاء لى ولك وللمسلمين أجمعين ورفعك به درجات يارب
بجد مش قادرة أقولك أنا أتبسط قد ايه ويمكن مش لاقيه كلام
جزاك الله كل خير ورزقك وإيانا السعادة والرضا فى الدارين إن شاء الله
الأخ الكريم
دة شرف ليا وكمان كل زوار مدونتى ناس زى السكر وبدعوك لزيارتهم أيضا
وبدعوهم للتواصل طبعا
تحياتى وشرفت
الأسكندرانى الجميل
:)
تصدق عندك حق فى أشخاص كدة فى الحياه بالفعل لازم يتعملهم بلوك وبلوك اوى كمان
تصدق حلوه بجد انى اقابلكو فى نص الطريق دى
ههههههههههه
بس على فكرة انا بدأة الطريق من زمان بس انت دور كدة اهو انا اللى هناك ع الشمال دى شايفنى
:)
سوووو يا سوووو
هههههههه
لا مش انت لوحدك طبعا وعلى فكرة اعرف ناس كتير كدة كمان يعنى متقلقش خالص
وبجد يا أحمد ميرسى اوى اوى اوى على الملحوظة الحلوة دى بجد اتبسطت اوى
ويا سيدى ولا تزعل عشان خاطر الكلمتين دول نجيبلك انترين من عند أمريكان فرنيتشرززز
:)
وشيشه كمان مش خسارة فيك يلا
تحياتى
ايه ده
انتي انهوه واحده طيب
راكبه العربية اللي شغاله ببنزين 95 ولا 90
:)
ولا انتي اللي راكبة المشروع اللي هناك ده
شغاله بسولار يعني
:)
ربنا يسترها علينا
خرفي براحتك بس خللي بالك لازم تشغلي الانتي فايرس تحسبا لاي حاجة كدة ولا كدة
سعيدة بزيارة مدونتك
تحياتي
هههههههههههه
تعرفى انها جتلى فترة كدة بس انا الحمد لله خلعت لان الشغل خدنى من الجهاو بس برجع سعات...
وادوس ...ريستارت ؟....
جميلة يا امانى...تحياتى اليكى
اميره
تحيه طيبه
بعد ما عجبتنا جدا حكاية تخاريف تكنولوجيه
اصبحت موضوح حلقة السبت10-5
من برنامجنا انت تسال والكمبيوتر يجيب
ونرحب بك وبزوار مدونتك الجميله فى موقعنا
http://dear.to/cairo
وكما نرحب باى تعليقات او ملاحظات او اقتراحات فى المدونه التى انشاناها لهذا الغرض
http://netonradio.blogspot.com
وعلى فكره حلقة الخميس8-5 كلها عن البنات عايزه ايه
بالتوفيق
ملحق
يمكن سماع اذاعة البرنامج العام اى اذاعة مصر الرئيسيه
باحدى هذه الطرق
موجه اف ام107 وسته من عشره لسكان القاهره
وموجة اف ام خاصه لكل مدينه اخرى
او
موجه متوسطه على الراديو تسمى موجة ايه ام
وهى بان تقف بالمؤشر على اقصى يمين رقم80
او على القمر الصناعى نايلسات
بان تختار قسم الراديو وليس الفيديو الخاص بالتيلفزيون ثم تختار البرنامج رقم واحد
او
وهذه اسهل طريقه
فى موقعنا ستجد رابط تحت الساعه على يمين الموقع بالضغط عليه والأنتظار قليلا تسمعنا
واضفنا تحت هذا الرابط رابط آخر احتياطى ايضا اضغط عليه وانتظر قليلا وقت اذاعة البرنامج تسعه وعشره صباحا فتسمعنا
ويستحسن ان تجرب هذا قبل اذاعة البرنامج بريع ساعه مثلا
معلش التعليق بتاعى متاخر قوى لانى بجد لسة شايفة البوست .فكرتة حلوة قوى الواحد فعلا اكتر حاجة بيحتجاها فى حياتة ريستارت مروة السيد
والله فكره رائعة
Post a Comment